Milani ka ende një dritë shprese në fund të tunelit të Serisë A, referuar kualifikimit të mundshëm në Champions League.
Nëse objektivi madhor për ta do të konkretizohej, atëherë drejtuesit e kuqezinjve do t’i kishin më të qarta idetë se më cilët personazhe të vijonin bashkëjetesën gjatë sezonit të ardhshëm.
Nuk përjashtohen këtu as drejtuesit e klubit dhe i pari që është përfolur se po jeton një klimë të tensionuar te kuqezinjtë është drejtori sportiv, Leonardo.
Ditët e fundit edhe ai vetë është lakuar si një prej emrave që mund të preken nga merkato.
Një klimë tensioni dhe pasigurie, që e kanë shtyrë brazilianin të jetë gati për një largim të mundshëm.
Edhe pse ende nuk ka vendosur asgjë, panorama e ngjarjeve flet qartë mbi një çështje të tillë.
Ndoshta Leonardo do ta ndërmarrë i pari hapin e lamtumirës ndaj kuqezinjve, duke hequr dorë nga kontrata e gjatë dhe e pasur në termat financiarë prej 3 milionë e gjysmë eurosh në sezon, atëherë do të hapej një tjetër çështje për të cilën Milani do të duhej të vepronte shpejt, edhe pse nuk kanë munguar emrat e lakuar për postin e tij.
Gjithsesi, pritet java e fundit e Serie A, ku do të vendoset fati i Milanit për pjesëmarrjen apo jo në Champions, që do të jetë e lidhur edhe me fatin e brazilianit Leonardo si zyrtar i kuqezinjve.
© SYRI.net
Bëje LIKE dhe merr lajmin e fundit nga Sporti: