Trajneri i ri i Kombëtares, Edi Reja, duket se ka kthyer më shumë sytë nga lojtarët e kampionatit vendas, dhe në veçanti nga elementët e ekipit kampion, Partizanit.
Pasi u konfirmuan ftesat për Bruno Telushin dhe Lorenc Trashin, për grumbullimin fillestar që do të nisë nga nesër në Durrës, një tjetër talent i “demave” është thirrur.
Bëhet fjalë për Esat Malën, i cili më herët ka qenë pjesë edhe te Shpresat e Alban Bushit.
Sipas Panoramës, ftesa ka mbërritur për 20-vjeçarin e të kuqve, dhe pas paraqitjeve të mira në Superiore, tani do t’i jepet një shans edhe në ekipin e parë përfaqësues.
Mala është nga Kosova dhe është rritur në futbollin kosovar, konkretisht te Shkolla e Futbollit Arsenal, që drejtohet nga Huar Morina e Hetem Sogojeva, para se t’i bashkohej Partizanit.
© SYRI.net
Bëje LIKE dhe merr lajmin e fundit nga Sporti: