Juventusi duket i vendosur për Mauricio Poçetinon dhe zërat nga Torino sa vijnë e bëhen më të fortë për trajnerin e Totenhemit.

E përditshmja “Libero” ka zbuluar dje se kontaktet mes argjentinasit dhe drejtorit sportiv, Fabio Paratiçi, janë shumë të shpeshta dhe dje ka ardhur edhe oferta zyrtare që i është bërë finalistit të Ligës së Kampioneve: tri vite kontratë, prej 12 milionë eurosh neto në sezon, saktësisht shifra që kishte kërkuar edhe Masimiliano Alegri, për të rinovuar.

Kjo pagë është pak a shumë e njëjta me atë që ai fiton në Londër, ku kujtojmë se te Totenhemi paguhet 18 milionë euro bruto (taksat i paguan vetë trajneri dhe jo klubi).