Pas eliminimit shokues në Champions League, presidenti i Barcelonës, Josep Maria Bartomeu ka rikonfirmuar trajnerin Ernesto Valverde të paktën edhe për sezonin e ardhshëm.
Presidenti i i klubit të Barcelonës, Josep Maria Bartomeu, ka sqaruar se cila do të jetë e ardhmja e trajnerit.
“Është trajneri që ne duam, ai ka një kontratë dhe ne jemi të kënaqur me të. Ky është një projekt afatgjatë dhe planifikimi i merkatos për sezonin e ardhshëm ka kohë që ka nisur duke siguruar disa lojtarë. Do të flasim sërish pas finales së “Kupës së Mbretit”, ishin fjalët e presidentit para mediave spanjolle.
Kujtojmë që Barcelona u eliminua nga gjysmëfinalet e Ligës së Kampionëve, pas humbjes 4-0 në “Anfield Road” përballë Liverpoolit.
© SYRI.net
Bëje LIKE dhe merr lajmin e fundit nga Sporti: