Drejtori sportiv i Juventus: Ja ku do luajë Dybala sezonin tjetër

Drejtori sportiv i Juventus: Ja ku do luajë Dybala sezonin tjetër

11:17, 21/04/2019

Drejtori sportiv i Juventusit, Fabio Paratici, ka këmbëngulur se Paulo Dybala do të mbetet në klub dhe se bardhezinjtë do të përforcohen edhe pas titullit të tetë radhazi në Serie A.

Juventusi e siguroi titullin e tetë radhazi, që është historik, dhe të 35-të në total në Serie A të shtunën në mbrëmje, pas fitores 2:1 kundër Fiorentinës në Torino.

“Do të ishte çmendur ta mendoje në vitin 2010 se kjo do të ndodhte”, tha Paratici për Sky Sport Italia.

“Nuk është koha e duhur të diskutojmë çfarë do të bëjmë por kemi idetë tona sesi të përforcojmë skuadrën”, shtoi ai.

I pyetur për të ardhmen e Dybalas, Paratici tha: “Natyrisht se Dybala do të qëndrojë. Ai është futbollist i Juves dhe është e qartë se do të qëndrojë”.

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment