Cristian Eriksen, i cili humbi topin në aksionin që solli golin e Sterling në shtesë, i cili u anulua nga VAR për pozicion jashtë loje, thotë se është njeriu më me fat në botë pas vendimit të gjyqtarit Çakër për ta anuluar atë.

“Unë duhet të jem një nga njerëzit më me fat të planetit. Mendova se aty mbaroi gjithçka për ne, por ishte një ndeshje argëtuese. Ishte një ndeshje plot emocione. U dhuruam shumë gjëra atyre, por ashtu bënë edhe ata me ne. Ishte një ndeshje e çuditshme”, u shpreh për “BT Sport” mesfushori danez i Tottenhamit.

“Pas kësaj ndeshjeje mund të marrim frymë thellë. Do të jetë një përrallë që do të luaj sërish kundër Ajaksin në Amsterdam”.