Trukimet e ndeshjeve në favor të basteve sportive kanë detyruar Federatën e Futbollit në Qipro që të ndërpresë aktivitetet e divizionit të dytë dhe kanë detyruar policinë vendase që të vihet në veprim për të pastruar futbollin në vend.
Prej kohësh, kampionati qipriot i futbollit është aluduar se është arenë trukimesh në favor të basteve në kompanitë aziatike.
Kjo nuk ka ndryshuar asgjë, ashtu si edhe sinjalizimet e vazhdueshme nga UEFA të dërguara në Federatën e Futbollit, e pafuqishme ose pa dëshirën për të ndalur këtë fenomen, pak a shumë si në vendin tonë.
Por, sipas “vipsport”, duket se kërcënimet e fundit nga UEFA për vendime drastike ndaj futbollit qipriot kanë bërë punën e vet.
Federata ka bërë të ditur se ka ndaluar të gjitha ndeshjet e Divizionit të dytë.
Gjithçka ishte vendosur në konsultim me UEFA-n, e cila pret të ketë ndonjë ndryshim në aspektin e pastrimit të kampionatit, pasi çështja ka kaluar në duart e policisë vendase.
Kjo e fundit ka bërë të ditur se po heton 3 ndeshje të kampionatit dhe një të Kupës, ndërsa ka kërkuar ndihmën e autoriteteve në vende në të cilat janë hedhur bastet e sinjalizuara nga sistemet e UEFA-s.
© SYRI.net
Bëje LIKE dhe merr lajmin e fundit nga Sporti: