U luajtën këtë mbrëmje disa prej ndeshjeve të grupeve eliminatore të Euro 2020, njofton Syri.net.
Në fushë kanë zbritur Spanja dhe Italia, të cilat kishin ndeshje relativisht të lehta, duke mos i diskutuar fitoret.
Italia ka marrë një fitore bindëse 6-0 kundër Lihtenshtejnit, ndërsa Spanja 2-0 në transfertë me Maltën.
Suedia bën përmbysjen e madhe, duke fituar 3-2 në transfertë me Norvegjinë, edhe pse ndodhej në dizavantazhin e 2 golave.
Të pabesueshmen bëjnë edhe Danimarka, e cila nga 0-3, barazon 3-3 në Zvicër, ashtu sikurse edhe Greqia nga 0-2 arrin të barazojë 2-2 në fushën e Bosnje-Herzegovinës.
Më poshtë mund të shihni rezultatet e takimeve të sotme.
© SYRI.net
Bëje LIKE dhe merr lajmin e fundit nga Sporti: