Shqipëria U-19 është mundur në Ohër, në miqësoren e dytë ndaj Maqedonisë së Veriut.

Të besuarit e Nevil Dedes u mposhtën me rezultatin 2-1, ndërsa golin e vetëm për kuqezinjtë e shënoi Armando Broja pas 10 minutash lojë.

Por rezultati u barazua në fundin e pjesës së parë nga Jeton Dauti dhe në pjesën e dytë një penallti vendosi ndeshjen. Agron Elezi ishte ai që shënoi nga pika e bardhë për kundërshtarin.

Kjo ishte miqësorja e dytë brenda pak ditësh për 19-vjeçarët, ndërsa ndeshjen e parë të zhvilluar në stadiumin e Korçës, Shqipëria U-19 barazoi me rezultatin 1-1.