Kanë përfunduar 45 minutat e para në “Elbasan Arena” në përballjen ndërmjet Shqipërisë dhe Turqisë në ndeshjen e parë kualifikuese në grup.
Të besuarit e Alban Bushit e nisën keq ndeshjen pasi pësuan shumë shpejt por më pas morën në dorë kontrollin e lojës, shkruan SYRI.net.
11 minuta lojë i mjaftuan sulmuesit turk, Ilker Yuksel ai i cili vendosi qetësi në “Elbasan Arena” duke shënuar me kokë.
Pas golit kuqezinjtë u “zgjuan” dhe krijuan disa raste të pastra për shënim por portieri turk neutralizoi gjuajtjet e tyre.
Për të ardhur në minutën e 20’ pas goditjes së këndit, Tafa gjendet i pambuluar në shtyllën e dytë, dhe shënon me lehtësi.
Vlen të theksojmë që kuqezinjve iu anulua një gol për shkak të pozicionit jashtë loje.
Edhe minutat e mbetura Shqipëria ishte dominuese por pa mundur të konkretizojë golin e avantazhit.
© SYRI.net
Bëje LIKE dhe merr lajmin e fundit nga Sporti: