Kosovës i ka shpëtuar fitorja nga duart.
‘Dardanët’ zhvilluan një paraqitje të jashtëzakonshme, por vetëm në minutën e 90+1’ Danimarka barazoi rezultatin 2-2, shkruan SYRI.net.
Kosova e nisi mirë ndeshjen, me një mbrojtje të mirë dhe me sulme të rrezikshme që vinin nga këmbët e Zenelit dhe Celinas.
Luhej minuta e 42’ kur Kosova kaloi në avantazh me një gol të bukur të Amir Rrahmanit, që shënoi me kokë.
Në pjesën e dytë, Danimarka futi në lojë më të mirin Christian Eriksen, i cili në minutën e 63’ realizoi nga pika e bardhë e penalltisë duke barazuar rezultatin në 1-1.
Vetëm 3 minuta zgjati gëzimi i miqve pasi, Bersant Celina realizoi një paraqitje fantastike duke shënuar në minutën e 66’.
Kur të gjithë prisnin vërshëllimën e fundit të gjyqtarit, danezët shënojnë në minutën e 91’ me anë të Hojbjerg.
Ndeshja përfundoi në barazim 2-2, por Kosova zhvilloi një lojë shumë të bukur duke dominuar kundërshtarin.
© SYRI.net
Bëje LIKE dhe merr lajmin e fundit nga Sporti: