Sot në orën 19:00 në stadiumin “Fadil Vokrri” Kosova do të zhvillojë një test miqësor përballë Danimarkës ndërsa në stadium do të jenë të pranishëm rreth 13 mijë tifozë.

Përfaqësuesja e Kosovës do ta zhvillojë sot ndeshjen miqësore ndaj Danimarkës, para ndeshjes kualifikuese ndaj Bullgarisë për EURO 2020.

Të dy përfaqësueset kanë publikuar formacionet zyrtare, ndërsa në këtë përballje do të mungojnë Hekuran Kryeziu dhe Valon Berisha, të cilët janë të dëmtuar.

Befasi është fakti që kapiten i skuadrës për këtë ndeshje do të jetë Herolind Shala, pasi Samir Ujkani është lënë në stol nga Bernard Challandes.