Skuadra e Romës ka pësuar humbjen e parë pas rikthimit të Claudio Ranierit.
Skuadra nga kryeqyteti i Italisë është befasuar nga SPAL-i, e cila e ka mposhtur me rezultatin 2-1.
Në minutën e 22’ ishin pikërisht vendasit që kaluan të parët në avantazh me golin e shënuar nga Mohamed Fares.
Golin e barazimit për skuadrën romake e realizoi Diego Perotti, nga penalltia, në minutën e 53’ të ndeshjes.
Por, vetëm 7 minuta më vonë, gjyqtari akordoi një penallti në favor të vendasve, të cilën e konkretizoi në gol Andrea Petagna.
Me këtë humbje, Roma mbetet 3 pikë larg Interit vendit të katërt që të dielën luan derbin me Milanin.
© SYRI.net
Bëje LIKE dhe merr lajmin e fundit nga Sporti: