Drejtori Sportiv i Juventusit, Fabio Paratici tha se do të bëjë gjithçka që është e mundur për ta blerë Kylian Mbappen.

Sulmuesi i ri i PSG-së momentalisht është i dyti pas Lionel Messit në listën e golashënuesve më të mirë në pesë ligat europiane me 25 gola.

Për 20-vjeçarin ka shumë të interesuar, prandaj Juventus do të përballët me konkurrencë të fortë për shërbimet e tij, veçanërisht nga Real Madridi, i cili ishte pranë transferimit të tij në verën e vitit 2017.

Por, midis thashethemeve të vazhdueshme për kalimin e tij në Madrid, Mbappe tha në fillim të kësaj jave se ai ka qëllim të qëndrojë tek PSG-ja, pavarësisht eliminimit nga Champions League.