Vdekja e Astorit/ Akuzohen mjekët e Cagliarit dhe Fiorentinës për vrasje

Vdekja e Astorit/ Akuzohen mjekët e Cagliarit dhe Fiorentinës për vrasje

16:31, 12/03/2019

Prokuroria e Firences ka mbyllur hetimet për vdekjen një vit më parë të kapitenit të Fiorentinës, Davide Astori, ngjarje që ndodhi më 4 mars në një dhomë hoteli në Udine, ku skuadra vjollcë ishte akomoduar për takimin me friulanët.

Prokuroria akuzon për vrasje pa dashje dy mjekët që lëshuan certifikatat e aftësisë për të ushtruar sport mes viteve 2014 dhe 2017, përkatësisht mjekun sportiv të Cagliarit, Francesco Stagno dhe kolegun e tij nga Firence, Giorgio Galanti.

Në një pozitë më të vështirë është Stagno, që akuzohet se nuk ka marrë parasysh problemet e shfaqura nga Astori gjatë testeve mjekësore, duke mos u paraqitur në certifikatën për aftësinë e tij sportive.

Të njëjtat akuza rëndojnë edhe mbi Galantin, që nuk ka pasqyruar aritmitë kardiake në certifikatën lëshuar për Astorin.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco