Një ecuri prej tri humbjesh në gjashtë ndeshjet e fundit në Serie A, ka bërë që Interi ta humbasë vendin e tretë në duart e rivalit historik, Milanit.

Zikaltrit mbeten vetëm tri pikë larg vendit të pestë, dhe pas dy ndeshjeve radhazi pa fitore, sot ndaj Spalit synon tri pikët për ta ruajtur pozitën e katërt për një vend në Ligën e Kampionëve sezonin e ardhshëm.

Interi e pret Spalin në San Siro, në një ndeshje të vlefshme për javën e 27-të që nis në orën 15:00.

Edhe në këtë ndeshje, zikaltrit nuk do të mundë të llogarisin në ish-kapitenin Mauro Icardi, i cili nuk po gjen gjuhë të përbashkët me klubin.