Milot Rashica zhvilloi një tjetër paraqitje të jashtëzakonshme me skuadrën e Werder Bremen.

Sulmuesi i talentuar i Kosovës shënoi dy gola dhe kohët e fundit është kthyer në një ndër lojtarët kryesorë të skuadrës së tij.

Lojtari pas ndeshjes është shprehur shumë i lumtur për formën e tij.

“Jam shumë i lumtur për golat, por edhe për triumfin e skuadrës. Mundohem që çdo ndeshje, çdo stërvitje të jap maksimumin” ka thënë Rashica.

“Kishim dy ndeshje pa fitore dhe tri pikët ishin të rëndësishme për ne dhe ia dolëm. Ndaj Leverkusen do të jetë e vështirë, por do të futemi për fitoren dhe shpresojmë të marrim tri pikë me vete në shtëpi” përfundoi ai pas ndeshjes.