Jordi Alba është shumë pranë marrëveshjes për rinovimin e kontratës me Barcelonën.

Presidenti Bartomeu, i ka ofruar Jordi Albas në tavolinë një kontratë të re 5-vjeçare, ndërsa tashmë është dora e lojtarit që pritet të hedhë firmën që do ta mbajë të lidhur deri në vitin 2024.

Nga ana e tij, presidenti Bartomeu është shprehur optimist se marrëveshja do të pranohet edhe nga vetë futbollisti, ndërsa nuk ka kursyer elozhet për të, duke shtuar se Alba është një nga mbrojtësit e majtë më të mirë në botë.

Kontrata aktuale e Jordi Albas përfundon në qershor të vitit 2020.