Dueli i madh në Spanjë, Gjetan Keta përballë boksierit argjentinas

Dueli i madh në Spanjë, Gjetan Keta përballë boksierit argjentinas

17:24, 12/02/2019

Mike Gjetan Keta është gati për një tjetër duel të madh. Boksieri nga Bulqiza do të rikthehet në ring më datë 9 mars pas kërkesës së boksierit Pablo Daniel Nievas për t’u ndeshur me njëri-tjetrin në Spanjë.

Boksieri argjentinas mban në portofolin e tij profesional 51 ndeshje, 33 fitore nga të cilat 19 me k.o dhe 17 humbje.

Ndërsa boksieri shqiptar ka 23 fitore nga të cilat 19 me k.o dhe 4 humbje.

Lajmin e konfirmon trajneri dhe vëllai i Gjetanit, Ismail Keta, i cili në një status në Facebook shkruan:

“Përshëndetje miq.

Kur në sportin e boksit arrin në nivele të larta, përgjegjësitë shtohen dhe kalojnë përmasat e pasionit. Aq më i vështirë bëhet kur të mungon publiku i zjarrtë shqiptar që neve na ka mbështetur gjithmonë!

Pas pritjes së gjatë për t’u ndeshur kundra boksierit gjerman Vincent Feigenbutz ndaj të cilit Gjetani humbi në vitin 2016, Gjetani ka pranuar ftesën për t’u ndeshur në Spanjë me datë 9 mars kundra PABLO DANIEL NIEVAS që ndeshjen e fundit e humbi kundra gjermanit të pathyeshëm deri më tani Jürgen Brähmer.

Sigurisht që publiku i zjarrtë shqiptar do të na mungojë në Madrid, Spanjë, por ne do përpiqemi me shumë punë dhe përkushtim t’ju nderojmë me fitore”.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment