Clarence Seedorf është një nga ata lojtar që kanë shëtitur në Europë, pasi ka luajtur me klube të mëdha si Real Madrid, Milan, Inter apo Ajax.
Mendimet e tij në futboll janë gjithmonë të vyera dhe merren për bazë nga analistët apo skuadrat.
Në një intervistë për spanjollen “Marca”, ish-mesfushori ka analizuar disi situatën në të cilën ndodhet Reali i Madridit.
“Solari është shumë i respektuar nga grupi, është një njeri i mirë dhe mendoj që po bën një punë të mirë që i shërben shumë Realit. Për Realin Liga e Kampioneve është një kompeticion special”, ka thënë holandezi.
Ndër të tjera ai ka folur edhe për Champions League, ku ka vënë Juventusin në grupin e favoritëve.
“Mendoj se në finale mund të arrijë Juventusi, por ka dhe emra të tjerë shumë të fortë si Barcelona, PSG apo dhe City”, deklaroi Seedorf.
© SYRI.net
Bëje LIKE dhe merr lajmin e fundit nga Sporti: