Policia e Guernsey ka vendosur t’i shpallë të mbyllura kërkimet për aeroplanin me futbollistin Emiliano Sala, i zhdukur nga mbrëmja e së hënës.

Në pamundësi për të gjetur gjurmë prej tij, ata kanë publikuar një njoftim që kërkimet janë mbyllur dhe se gjasat për shpëtimin e Salas dhe pilotit janë pothuajse të pamundura.

Megjithatë, Nantes, ish-klubi i Salas, i cili javën e kaluar ishte transferuar në Cardiff City, nuk dëshiron që të dorëzohet dhe ka kërkuar që policia ta vazhdojë punën.

“Nantes ka mësuar se kërkimet për aeroplanin e zhdukur janë ndalur. Kjo gjë nuk duhet të ndodhë. Klubi dhe tifozët e klubit duan që kërkimi për Emiliano Salën të vazhdojë. Të gjithë së bashku për Emin!”, shkruan Nantes në Twitter.