Real Madrid ka arritur ta mposht Gironan në ndeshjen e parë çerekfinale të Kupës së Mbretit.
Skuadra e drejtuar nga Santiago Solari fitoi me rezultatin 4-2 përballë Gironas duke hedhur një hap të sigurt drejt kualifikimit.
Golin e parë e shënuan miqtë me anë të Anthony Lozanos në minutën e (7’), ndërsa madrilenët barazuan shifrat me golin e Lucas Vasquez (18’).
“Los Blancos” përmbysi rezultatin nga pika e bardhë e penalltisë me anë të Sergio Ramos që realizoi në stilin “Panenka”.
Girona nuk u dorëzua pasi arriti ta barazoi rezultatin nga penalltia me anë të Alex Granell (66’).
Por, Real Madrid nuk u dorëzua dhe shënoi dy gola të shpejtë me anë të Ramos (77’) dhe Karim Benzema (80’) që vulosi rezultatin e takimit.
Ndeshja e kthimit do të luhet më 31 janar.
© SYRI.net
Bëje LIKE dhe merr lajmin e fundit nga Sporti: