Chelsea është kualifikuar për në finale të EFL Cup duke eliminuar Tottenhamin vetëm pas gjuajtjeve të penalltive.

Blutë kaluan fillimisht në avantazh me anë të N’Golo Kante në minutën e 27’, ndërsa Eden Hazard dyfishoi shifrat në minutën e 38’.

Por, Tottenham reagoi në pjesën e dytë duke ngushtuar rezultatin në 2 me 1 me anë të Fernando Llorente.

Gjatë 90 minutave rezultati qëndroi i pandryshuar duke detyrua skuadrat t’i drejtohen penalltive pasi në ndeshjen e parë Tottenhami e fitoi me rezultatin 1-0, ndërsa në "Stamford Bridge" takimi përfundoi në 2-1.

Chelsea u tregua më e saktë nga gjuajtja e penalltive, duke shënuar katër, ndërsa rivali i tyre lokal shënoi dy.

Blutë nga Londra kaluan në finale të EFL Cup, ku do të përballen me Manchester Cityn që mbrëmë e eliminoi Burtonin.