Majlinda Kelmendi po zhvillon një turne të jashtëzakonshëm në Tel Aviv.
Xhudistja kosovare ka prekur finalen e Grand Prixit që po zhvillohet në Izrael, duke triumfuar ndaj rumunes Andreea Chitu, me IPPON.
Para këtij dueli, Majlinda u tregua e suksesshme ndaj xhudistet zvicerane, Fabienne Kocher, të cilën e mposhti po ashtu me IPPON.
Në finale, krenaria e sportit shqiptar do të përballet me izraeliten Gili Cohen, për të fituar medaljen e artë.
Dueli i shumëpritur do të zhvillohet pas pak minutash, në orën 16:00 të ditës së sotme.
Gjithsesi, 27-vjeçarja e ka siguruar medaljen e argjendtë, por natyrisht do të kërkojë majën podiumit, pra të artën.
Kjo është medalja e parë për Majlinda Kelmendin këtë vit kalendarik, të cilin e ka nisur mjaft mirë.
© SYRI.net
Bëje LIKE dhe merr lajmin e fundit nga Sporti: