Dështimi në transferimin e Griezmann i ka lënë atij një shije të keqe. Prandaj, Josep Maria Bartomeu nuk mund të pranojë një tjetër zhgënjim të tillë, pa kaluar një vit. Për pasojë, presidenti i Barcelonës vendosi ta marrë vetë komandën e operacionit për De Jong, kur mësoi se futbollisti ishte gati t’i thoshte “po” PSG-së. 

Po të mërkurën, ai kërkoi një takim me stafin teknik të klubit (Pep Segura, Eric Abidal dhe Ramon Planes), ndërsa të enjten zbarkoi në Amsterdam për t'u takuar me mesfushorin holandez dhe përfaqësuesit e tij. Bartomeu ishte i vetëdijshëm se duhej të bënte një ndryshim në taktikë, që të mos sfidohej nga PSG dhe Manchester City. 

Në emër të Barçës, ai ofroi diçka ndryshe dhe më tërheqëse, që mund ta ndryshojnë mendimin e një lojtari të talentuar, i cili sipas specialistëve do të bëhet mesfushori më i mirë në botë. Megjithatë, për momentin Bartomeu nuk ka marrë ndonjë përgjigje të prerë pozitive. 

Për këtë, ai kërkoi një takim me Marc Overmars. E ardhmja e De Jong është ende pezull. Presidenti i skuadrës katalanase e ka siguruar Overmars se Barça do ta paguajë shumën e pretenduar nga Ajax, e cila pretendohet të jetë rreth 75 milionë euro. Disa njerëz pranë lojtarit thonë se para të hënës mund të ketë një komunikim zyrtar. 

Argumentet kryesore të paraqitura në tryezë nga presidenti i Barcelonës ishin këto.
1. Barcelona është një markë globale dhe një klub i partnerëve natyror. Asgjë nuk ka të bëjë me artificialitetin e klubeve kombëtare si PSG dhe Manchester City. Bartomeu ia bëri të qartë De Jong-ut rëndësinë e Barçës në mbarë botën.

2. Leo Messi, i konsideruar nga klubi dhe nga shumë ekspertë si lojtari më i mirë në histori, po përballet me fazën përfundimtare të karrierës së tij. Bartomeu inkurajoi holandezin të nënshkruajë për aventurën e jetës pranë kapitenit të Barçës.

3. Një nga çështjet që shqetëson më tepër De Jong është numri i madh i mesfushorëve me nivel te Barça. Ndër ta, i paprekshmi Busquets, i cili luan në të njëjtin pozicion me talentin holandez. Pa përmendur këtu emra si Rakitic, Vidal, Arthur... Pra, konkurrenca për një vend titullari në formacion është e madhe. Bartomeu e siguroi atë për ta trajtuar nën shembujt e Arthur dhe LENGLET, si lojtarë që kanë ardhur këtë sezon për të qenë zëvendësues teorikë, por tashmë e kanë një vend në formacion. 

4. Marrëdhënia historike midis Ajax dhe Barça, me boshtin e Johan Cruyff, si një figurë kryesore. Lidhjet mes gjigantëve holandezë dhe katalanasve kanë ekzistuar gjithmonë. Shumë ish-lojtarë holandezë të Barçës i kanë rekomanduar mesfushorit të Ajax që të zgjedhë kampionët e La Liga-s.