Nuk ndalen zërat dhe aludimet e merkatos dimërore në klubin e Juventus, sidomos ato që lidhen me planin mbi transferimin e fituesit të “Topit të Artë 2018”, Luka Modric.

Në ditët e kaluara bëri bujë lajmi se bardhezinjtë kishin nisur të lëviznin konkretisht për të transferuar kroatin në Torino, ndërsa tani mbërrijnë konfirmime të tjera, edhe nga Spanja.

Sipas raportimeve nga “Don Balon”, në fakt Juve e ka seriozisht për Modric, që është njëri prej të pakënaqurve te Real Madrid dhe që është në kërkim të një tjetër sistemimi për vitin e ardhshëm.

Në Spanjë janë të sigurt, mesfushori kërkon të ndryshojë ambient, duke e konsideruar të përfunduar ciklkin e tij në Madrid dhe se është i tunduar nga joshja e "Zonjës së Vjetër".