Lajmi i fundit

LIVE/ Qytetarët tubim në mbështetje të liderit të opozitës, Sali Berisha

Mourinho flet për Manchesterin: Kur një lojtar është më i rëndësishëm se klubi, atëherë...

Mourinho flet për Manchesterin: Kur një lojtar është më i rëndësishëm se klubi, atëherë...

18:04, 17/01/2019

Jose Mourinho është paraqitur për herë të parë në televizion pas shkarkimit nga Manchester United në muajin e kaluar.

Trajneri portugez, edhe pse e ka të ndaluar të flasë për Manchester United, me përgjigjet e dhëna në televizionin BeinSport ku është angazhuar si analist, është munduar të zbulojë problemet te “Djajtë e Kuq”.

Mourinho u shkarkua nga Manchester United më 18 dhjetor pas humbjes 3-1 nga Liverpooli, kur raportet e tij me lojtarët u acaruan shumë, duke filluar prej Paul Pogbasë, që ishte transferimi më i shtrenjtë i epokës së tij.

“Ne nuk jemi në kohën kur trajneri është mjaft i fuqishëm për të krijuar një marrëdhënie edukimi dhe nganjëherë konfrontimi me lojtarët që nuk janë profesionist të mirë”, ka thënë Mourinho, duke shtuar se një skuadër ka nevojë për një strukturë.

“Një klub duhet të ketë një pronar ose një president, një drejtor ekzekutiv apo një drejtor sportiv dhe pastaj trajneri. Kjo është një strukturë që mund të përballojë të gjitha problemet që moderniteti po na sjellë tek të gjithë ne.

Pra, për mua një klub duhet të jetë i mirëorganizuar për t’u përballuar me këto situata, ku trajneri është vetëm trajner dhe jo njeriu që duhet të përpiqet të mbajë disiplinën ose të përpiqet të edukojë lojtarët”, tha portugezi.

Mourinho gjatë kësaj paraqitje në BeinSport, përmendi një frazë të Sir Alex Ferguson, ku la të kuptohet se Paul Pogba ishte më i rëndësishëm se i gjithë klubi.

“Fraza që e mbaj me vete nga Sir Alex Ferguson është ‘Në ditën që një lojtar është më i rëndësishëm se sa klubi, ditën e mirë’. Trajneri është për të stërvitur skuadrën, trajneri nuk është për të ruajtur disiplinën me çdo kusht”, përfundoi Mourinho.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco