Barcelona ka aktivizuar një lojtar të pezulluar në ndeshjen e Kupës së Mbretit me Levanten.

Trajneri Ernesto Valverde aktivizoi në këtë ndeshje edhe Chumin si titullar, pavarësisht pezullimit të lojtarit 19-vjeçar. Barcelona e humbi gjithsesi atë ndeshje.

“El Mundo” në Spanjë shkruan se lojtari i ri duhej të shlyente më parë pezullimin që kishte marrë me rezervat dhe nuk mund të luante me skuadrën e parë.

“Derisa një lojtar të përfundojë pezullimin, nuk mund të luajë për ndonjë ekip tjetër”.

Ky është neni 56.3 i kodit disiplinor. Dhe të mendosh që këtë gafë e bëjnë te Barcelona, një nga klubet më të mëdha në Botë.

Tani pritet të merren masa dhe katalanasit mund të përjashtohen nga aktiviteti.