Mesfushori i Kombëtares shqiptare, Keidi Bare, ka debutuar si titullar me fanellën e Malagës në Ligën e Dytë spanjolle.
21-vjeçari është hedhur në fushë nga minuta e parë nga trajneri Muniz në sfidën ndaj Zaragozës, që u fitua nga skuadra e shqiptarit me rezultatin 0-2.
Bare qëndroi në fushë përgjatë 90 minutave duke bërë një paraqitje të kënaqshme.
Mesfushori fierak u ndëshkua me karton të verdhë në minutën e 59-të.
Me fitoren e sotme, Malaga u ngjit në kuotën e 39 pikëve, duke ngushtuar diferencën në vetëm 1 pikë nga kryesuesit e Granadës.
Me paraqitjen e sotme, mesfushori i Kombëtares duket se ka fituar besimin e trajnerit dhe pritet që në sfidat e ardhshme të marrë minuta të tjera duke u shndërruar në një lojtar të rëndësishëm për skuadrën spanjolle.
© SYRI.net
Bëje LIKE dhe merr lajmin e fundit nga Sporti: