Barcelona vijon serinë e rezultateve pozitive në La Liga, teksa ka mposhtur Eibarin me rezultatin e pastër 3-0.
Fitorja e 6-të radhazi në kampionat për skuadrën e Valverdes që e sheh veten në vendin e parë me një diferencë +5 nga ndjekësit e Atletico Madridit.
Në minutën e 19-të, pas një kombinimi magjik “alla Barcelona”, Luis Suarez gjeti rrugën e rrjetës duke zhbllokuar rezultatin.
Pjesa e parë u mbyll me avantazhin minimal të katalanasve. Në pjesën e dytë ishte Messi që pas një asisti të Suarezit dyfishoi shifrat.
Goli i 400-të për argjentinasin në La Liga, i cili bëhet kështu lojtari i parë në histori e kampionatit spanjoll që kap këtë shifër.
6 minuta më vonë, Suarez shënoi golin e tretë duke i vendosur kapak sfidës.
Në përballjen e radhës Barcelona do të presë Leganesin në shtëpi.
© SYRI.net
Bëje LIKE dhe merr lajmin e fundit nga Sporti: