Ikona e Argjentinës, Diego Armando Maradona, kishte një ndërlikim shëndetësor gjatë javëve të fundit, dhe u detyrua që t’i nënshtrohet operacionit.
Për fat të mirë, gjithçka përfundoi me sukses dhe Maradona mund të rikthehet për të drejtuar skuadrën e Dorados.
“Operacioni i Diego Maradonës përfundoi. Falë Zotit gjithçka shkoi për mrekulli”, ka shkruar avokati i tij në “Twitter”.
“Faleminderit ‘Clinica Olivos’ për profesionalizmin dhe humanizmin”, ka shkruar më tej ai.
Skuadra e Maradonës e filloi sezonin e ri më 6 janar, duke humbur me rezultatin 1-0 ndaj Celaya.
Të mërkurën ata zhvillojnë ndeshjen e ardhshme. Mbetet të shihet nëse argjentinasi do të rikuperohet për t’u rikthyer në stol.
© SYRI.net
Bëje LIKE dhe merr lajmin e fundit nga Sporti: