Faqja zyrtare e Ligës së Kampionëve e ka zbuluar “Skuadrën e Vitit 2018”.
Pas më shumë se një muaji votim nga fansat, tani 11-shja më e mirë e vitit është publikuar, teksa kanë votuar më shumë se 1.8 milionë persona.
Katër lojtarë të Real Madridit kanë zënë vend në formacion, pa e përfshirë Cristiano Ronaldon, i cili nga shtatori i vitit 2018 është pjesë e Juventusit, mirëpo triumfi i tij në Ligën e Kampionëve me Realin ka ndikuar që ai të jetë pjesë e skuadrës më të mirë për vitin 2018.
Në portë është portieri i Barcelonës, Ter Stegen, ndërsa Virgil Van Dijk plotëson vijën e mbrojtjes me Raphael Varane, Sergio Ramos e Marcelon, të tre këta lojtarë të Realit.
Në mesfushë është Luka Modric, fitues i “Topit të Artë”, Kante nga Chelsea dhe Eden Hazard, kurse në sulm është treshja Kylian Mbappe, Lionel Messi dhe Cristiano Ronaldo.
© SYRI.net
Bëje LIKE dhe merr lajmin e fundit nga Sporti: