Braziliani Pele ka folur për krahasimin me Lionel Messin. Ai ka përfshirë në këtë “debat” edhe rivalin e tij më të madh të të gjithë kohërave, Diego Armando Maradonën.
Sipas brazilianit, Messi ka vetëm një aftësi, duke cilësuar se ai është i varur nga këmba e tij e majtë.
“Si mund të bëni një krahasim mes një djaloshi, i cili përdor topin mirë, gjuan me të djathtën dhe me të majtën, dhe tjetri, që gjuan vetëm me një këmbë, ka vetëm një aftësi dhe nuk e udhëheq topin mirë? Për tu krahasuar me Pelen duhet të jetë dikush, që gjuan mirë me të dyja këmbët, por shënon edhe me kokë”, shprehet Pele.
Ky i fundit vendosi veten mbi yllin argjentinas, por nuk harroi as Maradonën.
“Sa më përket mua, Maradona ishte një nga lojtarët më të mirë. Nëse më pyet mua a ishte ai më i mirë se Messi atëherë unë do të them ‘Po’. Edhe Bekenbauer dhe Krujf ishin po ashtu të shkëlqyer”, shton legjenda braziliane.
© SYRI.net
Bëje LIKE dhe merr lajmin e fundit nga Sporti:
Ti mor daj je legjenda e gjithë kohrave. Me ty fillon epoka moderne e futbollit të madh. Tre tituj bote prej kokës dhe këmbëve të tua, do ishin katër sikur ai kasapi bullgar të kish pasur respekt për sportin e futbollit që ushtronte. Të gjithë gjigandët e futbollit renditen pas teje, gjithmonë një shkallë më poshtë. Edson Arantes Do Nasimento, PELE.