Futbollisti i kombëtares shqiptare, Andi Lila, është shprehur entuziast pas hedhjes së shortit për kampionatin Europian.

Ai tha se është një grup relativisht i fortë, por Shqipëria do të bëjë surprizën.

‘Mendoj se është një short shumë i mirë një grup shumë i mirë. Kanë skuadra me të cilat kemi luajtur më përpara, si me Francën ashtu dhe me Turqinë. Moldavia dhe Andora, janë skuadra që ne duhet ti mposhtim normalisht. Do të bëjmë surprizën për të shkruar sërish në Europian’, tha Lila.

Shqipëria do të jetë në grupin H, sëbashku me Francën, Turqinë, Islandën, Moldavinë dhe Andorën.