“Kurrë mos thuaj kurrë”, kjo është shprehja e përdorur së fundmi nga trajneri i Napolit, Carlo Ancelotti kur është pyetur për një transferim të mundshëm të Edison Cavanit në “San Paolo”.

Cavani është lidhur vazhdimisht me një kthim në Napoli, me kontratën e Paris Saint-Germain që ka më pak se dy vjet për të përfunduar, shkruan SYRI.net.

"Unë kam trajnuar shumë kampionë, por unë ende nuk kam trajnuar Cavani" u shpreh Ancelotti për “Radio Kiss Kiss”.

"Kurrë mos thuaj kurrë. Nuk mund të thuash "jo" për kampionët ... ", vijoi Ancelotti, i cili u largua nga PSG pak para mbërritjes së sulmuesit në vitin 2013.

Syri.net/ Oldi Mele