Sonte në orën 21:00 do të luhet finalja e parë midis dy skuadrave argjentinase Boca Juniors-River Plate në kupën Libertadores.

Është hera e parë që dy këto dy ekipe përballen në finalen e ‘Copa Libertadores’.

Kjo ndeshje do të transmetohet në mbi 100 vende të botës, ndërsa mbi 100 gazetarë do të jenë prezent për të parë ndeshjen e shekullit.

Bileta më e shtrenjtë ka shkuar deri në 35000 euro. Kërkesat për të marrë një biletë ishin aq të mëdha sa që e detyruan presidentin e River Plate të vendoste në foto të profilit në WhatsApp një fotografi me mbishkrimin “NUK KAM BILETA” (bëhet fjalë për ndeshjen e kthimit).

Formati i finales “Copa Libertadores” është me dy ndeshje. Fillimisht vendas do të jetë Boca Juniors, kurse në ndeshjen e dytë River Plate do të jetë vendas.