Pas humbjes së Juventusit mbrëmë nga Manchester Unitedi në kuadër të Ligës së Kampionëve, tani Chelsea është skuadra e vetme pa humbje në këtë sezon në të gjitha kompeticionet.
Juventusi u thye në shtëpi nga Unitedi me rezultatin 2-1, pasi anglezët përmbysën rezultatin me golin e Juan Matas dhe autogolin e Leonardo Bonuccit në fund, kurse për “Zonjën e Vjetër” shënoi Cristiano Ronaldo.
Skuadra e Maurizio Sarrit momentalisht është e vetmja në 5 ligat më të forta të Europës pa humbje në këtë sezon.
Në 11 ndeshje të Premierligës, Chelsea ka 3 barazime dhe 8 fitore, ndërsa në Europa League ka 3 fitore.
Sonte në kuadër të Europa Legue, blutë do të përballen me skuadrën bjelloruse, Bate Borisov.
© SYRI.net
Bëje LIKE dhe merr lajmin e fundit nga Sporti: