Gazeta e njohur “Der Spiegel” ka tronditur botën e futbollit duke nxjerrë publike disa nga dokumentet sekrete të platformës investigative “Football Leaks”.

“Der Spiegel” pritet të nxjerrë emrin e një futbollisti të njohur, i cili akuzohet se ka rezultuar pozitiv pas një testi dopingu, por ndërhyrja e zyrtarëve të lartë të klubit të tij ka bërë që UEFA të bëjë “një sy qorr dhe një vesh shurdh”.

Fakti që “Der Spiegel” thotë se lojtari e ka fituar disa herë Champions-in, na bën të mendojmë që kemi të bëjmë me një prej lojtarëve të skuadrës së Real Madrid, pasi klubi spanjoll ka fituar 4 nga pesë sezonet e fundit.