Një tjetër rezultat dramatik në La Liga, ku Reali i Madridit ka pësuar një disfatë në fushën e vet nga Levante, duket se thuajse e ka shkarkuar trajnerin Julen Lopetegui, pasi rezultatet e madrilenëve nën drejtimin e tij në javët e fundit nuk kanë qenë aspak të mira.

Reali i Madridit, aktualisht ndodhet në vendin e pestë në Spanjë dhe ka 14 pikë, 3 më pak se Alavesh që mban vendin e parë në La Liga aktualisht.

Pavarësisht situatës jo të mirë që po kalon skuadra dhe shkarkimit të sigurt thuajse të trajnerit Lopetegui, është kapiteni i madrilenëve që nuk e bën dramë situatën, por kërkon impenjim maksimal për ndeshjet e radhës në kampionat dhe Champions.

Gjithsesi, kapiteni i Real Madridit Sergio Ramos ka mbështetur Julen Lopetegui dhe ka besim në kthesën e shpejtë të madrilenëve, që sipas Ramosit edhe këtë edicion nuk do të heqin dorë për ta fituar La Ligan, por edhe Ligën e Kampionëve.