Dalin në shitje biletat e ndeshjes miqësorë Shqipëri-Jordani, e programuar për t’u zhvilluar më 10 tetor, në orën 20:00, në “Elbasan Arena”.

Federata Shqiptare e Futbollit njofton të gjithë tifozët se biletat mund të blihen, për të gjitha kategoritë.

Qeveria e futbollit shqiptar ka vendosur që për tribunën VIP një biletë të kushtojë 6000 lekë.

Për sektorët A2, A3 dhe B3 bileta kushton 4000 lekë.

Çmimi zbret në 3000 lekë për A1, A4, B2 dhe B4.

Biletat për B1 dhe B5 kushtojnë 2000 lekë, ndërsa në sektorin E 1000 lekë.

Për tifozët me mundësi më të kufizuara financiare ka bileta me çmim 700 lekë për sektorët C1, C3 dhe G1 500 lekë dhe për C2 dhe G2 vetëm 300 lekë.