Ronaldo Nazario Da Lima, presidenti i ri i Real Valladolidit, ishte sot i pranishëm në tribunat e “Estadio Jose Zorrilla” për të parë ndeshjen e klubit të tij kundër Alavesit.

Sulmuesi legjendar u bë aksioneri kryesor i Valladolidit, pasi bleu 51 për qind të aksioneve të klubit disa ditë më parë.

Ronaldo, 42-vjeçar, ishte i pranishëm në stadium duke mos dashur ta humbasë ndeshjen e parë të ekipit të tij që prej ardhjes në krye të klubit.

Fatkeqësisht për të, Valladolidi u mposht nga Alavesi 1-0, teksa Ronaldo e ndoqi tërë takimin dhe i përshëndeti tifozët me buzëqeshje.