Lajmi i fundit

LIVE/ Tensione në mbledhjen e Këshillit Bashkiak Himarë për të zgjedhur kryetarin e komanduar

I shënoi gol Italisë, talenti shqiptar tregon me emocion: Babai qau nga gëzimi

I shënoi gol Italisë, talenti shqiptar tregon me emocion: Babai qau nga gëzimi

08:38, 14/09/2018

Xhakomo Vrioni përjetoi një debutim ëndrrash me përfaqësuesen Shpresa të Shqipërisë, pikërisht ndaj Italisë ku është lindur e rritur, duke shënuar edhe një gol.

Sulmuesi që luan te Venecia në Serinë B, por kartonin e të cilit e posedon Sampdoria, në një prononcim për mediat italiane, tregon emocionet e ndeshjes së parë si kuqezi.

“Ia dedikoj golin babait tim, Arbenit, i cili ka qarë nga gëzimi në momentin që shënova. Ai dhe mamaja ime janë shqiptarë dhe për mua të vishja fanellën e shtetit ku ata kanë lindur ishte një kënaqësi e papërshkrueshme.

Grumbullimi me kombëtaren shqiptare të 21-vjeçarëve nuk ishte një surprizë për mua, edhe vitin e kaluar kam pasur shumë kontakte me ta, por vendosa të pres.

Kam dy pasaporta shqiptare dhe italiane dhe më herët kisha arritur të gjeja rrugën e rrjetës edhe me përfaqësueset e moshave U-17 dhe U-19 të Italisë.

Të debutoja në të tillë mënyrë me gol ndaj Italisë ishte si një ëndërr për mua. Jam vërtetë shumë i lumtur tashmë shpresoj të shënoj në ndeshjen e radhës ndaj Beneventos pasi dua t’u dhuroj kënaqësi edhe tifozëve të Venezias”, deklaroi Vrioni.

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco