Arbitri i finales së vitit 2006 rrëfen ngjarjen kur Zidane goditi me kokë Materazzin

Arbitri i finales së vitit 2006 rrëfen ngjarjen kur Zidane goditi me kokë Materazzin

13:53, 19/07/2018

Plot 12 vite më parë në finalen e Botërorit të 2006, Franca përballej me Italinë. Këta të fundit arritën të fitonin vetëm me anë të penalltive, por përveç lojës në këtë ndeshje mbahet mend edhe një incident ku u përfshi Zinedine Zidane.

Bëhet fjalë për një nga skenat më tronditëse të futbollit ku Zidane goditi me kokë në gjoks Marco Materazzin.

Këtë histori pas 12 vitesh ka zgjedhur ta ritregojë edhe një herë arbitri argjentinas Horacio Elizondo për emisionin “TED talk".

“Në një moment e pashë Materazzin të shtrirë në tokë, isha rreth tridhjetë, ose dyzet metra larg, kështu që e ndalova lojën. Shpejt, nëpërmjet “intercomeve” tona, pyeta ndihmësit e mi se çfarë ndodhi. Vetë nuk kisha parë absolutisht asgjë”, shprehet Elizondo.

Në atë pikë ndërhyri një tjetër argjentinas, Luis Medina Cantalejo, që ndërhyri dhe i sqaroi me kufje gjithçka kishte ndodhur kryesorit Elizondo.

Këtë ish-ndihmës në atë ndeshje, Elizondo e quan si “engjëllin e tij kujdestar”.

Duke vepruar si gjyqtar i katërt atë ditë, Medina i kishte parë të gjitha në mënyrë të qartë.

“E tmerrshme, goditja me kokë e Zidane ndaj Materazzi ishte e tmerrshme… I tha “zezak” dhe Zidane e goditi Materazzin”, më tha me kufje. Deri kur kam parë videon e momentit, nuk do ta besoja dot”.

Edhe pse arbitri Elizondo kishte kërkuar një përgjigje më teknike ndaj situatës, ai shpjegoi se asistenti i tij spanjoll i kishte folur atij me një shpërthim shumë të pasionuar.

“E vetmja gjë që ai nuk arriti të më thoshte ishte ‘olé’, – kujton Elizondo me shaka. Për momentin kur Elizondo do të nxirrte kartonin e kuq, ai tha: “Kur shkova në “skenën e krimit”, e kisha tashmë këtë informacion dhe e dija se do ta ndëshkoja Zidanen me karton të kuq”.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco