Do të jetë Arturo Vidal “dhurata” e parë e Aurelio De Laurentiis për Carlo Ancelottin?
Për të marrë përgjigjen zyrtare duhet pritur disa ditë, por është fakt se mesfushori kilian është shfaqur në aeroportin e Napolit, me siguri për të mbyllur bisedimet me nënkampionët e Italisë.
Ish-mesfushori i Juventusit dhe i Bayernit të Mynihut, ishte përfshirë nga trajneri si ndër kryesorët në listën e përforcimeve të verës.
Ai është i disponueshëm për t’u kthyer në Serinë A, teksa kartoni i tij vlerësohet 40 milionë euro.
Takimi mes Ancelottit dhe Arturo Vidal gjatë ndeshjes së lamtumirës së Pirlos është pikënisja e bisedimeve për transferimin e kilianit në “San Paolo”.
Vidal është njeriu i duhur për të rritur cilësinë e mesfushës, pavarësisht se çfarë do të ndodhë me Marek Hamsik.
De Laurentiis po bën gjithçka shumë seriozisht dhe e ka nisur merkaton me gazin në maksimum.
Vidal, gjithsesi, duhet të pranojë ulje të pagës, që në fund palët të shtrëngojnë duart.
© SYRI.net
Bëje LIKE dhe merr lajmin e fundit nga Sporti: