Xherdan Shaqiri do të mbajë flamurin e Zvicrës dhe të Kosovës në këpucët e tij në Kampionatin Botëror që nis muajin e ardhshëm në Rusi.

Përmes një fotografie në rrjete sociale, Shaqiri ka zbuluar se në thembrën e këmbës së djathtë do ta ketë flamurin e Kosovës, kurse në këmbën e majtë flamurin e Zvicrës.

Zvicra është pjesë e Grupit E bashkë me Serbinë, Brazilin dhe Kostarikën.

Por Shaqiri ndoshta këtë herë ka harruar flamurin shqiptar që dikur e ka mbajtur te këpucët e tij.