Rrëfehet komentatori Ylli Aga: Ja përse qava pas ndeshjes Lazio-Inter

Rrëfehet komentatori Ylli Aga: Ja përse qava pas ndeshjes Lazio-Inter

22:00, 21/05/2018

Video e gazetarit Ylli Aga, i përlotur pas ndeshjes Lacio-Inter 2-3, bërio xhiron e ditës në rrjetet sociale.

Në fakt ai tërhoqi vëmendjen e publikut që pas përfundimit të takimit, ku zëri nisi t’i dridhej teksa po shihte tifozë të Lacios të përlotur nga zhgënjimi dhe tifozë të Interit të përlotur nga gëzimi i arritjes së skuadrës së zemrës në në Champions.

Gazetari i “Supersport” thotë se nuk është tifoz i asnjërës prej skuadrave, por u emocionua tej mase në fund të takimit për shkak emocioneve të mëdha që prodhoi një ndehsje si ajo, por edhe prej pamjet e disa vogëlushve lacialë që ishin përlotur nga zhgënjimi.

I pyetur nga “Panorama Sport” nëse ishte përgatitur më parë për këtë ndeshje, ai pohon se ishte një surprizë e papritur, pasi duhej ta komentonte dikush tjetër.

Ylli, çfarë ndodhi pas Lacio-Inter 2-3?

Shikoni, unë isha i ndërgjegjshëm për rëndësinë e ndeshjes, por nuk e dija që do ta komentoja unë atë ndeshje. Zakonisht këto ndeshje i komenton Shakohoxha ose Alban Xhihani…

Dakord, por çfarë ndodhi që u emocionuat aq shumë?

U preka shumë sepse ishte një nga ndeshjet me emocionuese që kam komentuar dhe kam parë në Serinë A.

Po lotët në fund?

Në koment përgatitesh kryesisht për gjërat e përgjithshme, por një imazh i vetëm mund të mjaftojë për të të emocionuar pa fund. Mua më prekën lotët e një tifozi të vogël të Lacios… Më prekën thellësisht shumë.

A ju ndodh shpesh që të përloteni në një koment?

Rrallë, shumë rrallë më ka ndodhur.

A jeni ju tifoz i Lacios ose i Interit?

Nuk jam tifoz i asnjërës prej këtyre skuadrave, edhe pse ky profesion të bën nga pak tifoz me të gjitha skuadrat.

Para ndeshjes a kishe ndonjë preferencë?

Po, para ndeshjes kisha një dëshirë që takimi të mbyllej nëe mënyrën më të mirë për Taren dhe Strakoshën.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco