Drita e Gjilanit është kampione e Kosovës për sezonin 2017-2018.
Për t’u shpallur kampion, Dritës i mjaftoi barazimi kundër Prishtinës në javën e fundit, ndeshje që u mbyll 0-0 në stadiumin “Shani Haxhiislami”.
Skuadra kryeqytetase luajti me një lojtar më pak që nga minuta e 32-të e takimit.
Debatik Curri, mbrojtësi i Prishtinës, u ndëshkua direkt me karton të kuq pas ndërhyrjes ndaj Xhevdet Shabani.
Drita e përfundoi sezonin me 67 pikë, tri më shumë se Prishtina, teksa përgjatë 33 javëve pësoi vetëm 2 humbje, regjistroi 13 barazime dhe arriti 18 fitore.
© SYRI.net
Bëje LIKE dhe merr lajmin e fundit nga Sporti: