Napoli ka kritikuar ashpër lojtarët e Juventusit për sjellje fyese dhe të turpshme gjatë festimit të titullit të kampionit në Serinë A.

Juventus ngriti trofeun e Serisë A dhe Kupën e Italisë të shtunën pasdite në “Allianz Stadium” dhe më pas festimet i vazhdoi me një autobus të hapur në qytet.

Gjatë festimeve, disa lojtarë të “Zonjës së vjetër” përfshirë Blaise Matuidi dhe Douglas Costa publikuan pamje live në Instagram duke kapur në kamera parrulla shqetësuese.

Aty u panë arkivol të vizatuar në pankarta me emrin e anësorit të Napolit, Lorenzo Insigne.

“Jemi vërtet të tmerruar nga sjellja fyese dhe e turpshme e disa prej lojtarëve të Juventusit”, thuhet në komunikatën e Napolit në Twitter.

“Këto janë gjeste serioze që e cenojnë dinjitetin e një populli dhe një napolitani si Insigne. Është e papranueshme”.

Siamo veramente indignati per l’atteggiamento vergognoso e offensivo tenuto da alcuni calciatori della Juventus oggi. Gesti gravi che offendono la dignità di un popolo e di un napoletano come Insigne. E’ inaccettabile #ForzaNapoliSempre pic.twitter.com/HDvTHJWNDF

— Official SSC Napoli (@sscnapoli) May 19, 2018