Në “Estadio do Dragao” u luajt takimi i parë i 1/8-ave të finaleve të Champions League”, Porto-Liverpool, njofton SYRI.net.

Skuadra e Jurgen Klopp fitoi me rezultatin e thellë 5-0, duke siguruar që tani biletën për në çerekfinale.

Në minutën e 26-të shënohet goli i parë i takimit. Liverpool kalon në avantazh me anë të sulmuesit Mane, i cili gjuan saktë, duke mposhtur portierin vendës.

Nuk zgjat shumë dhe në të 29’ realizohet dhe goli i dytë. Anglezët dyfishojnë shifrat me Salah, i cili nuk mund të mungonte të vinte firmën e tij në Champions.

Me rezultatin e pastër 2-0 për Liverpool mbyllet pjesa e parë.

Në pjesën e dytë ka përsëri ndryshim rezultati. Miqtë thellojnë avantazhin me Mane, i cili realizon golin e tretë për ekipin e tij dhe të dytin personal (53’).

Firmino tregon se edhe ai është në fushën e lojës, duke shënuar golin e katërt në minutën e 70-të.

Për të vulosur rezultatin final 5-0 mendon Mane, i cili realizon një tripletë në transfertën portugeze.