Ka patur një moment paniku sot në ndeshjen Laçi-Flamurtari të zhvilluar në qytetin e Krujës. Në minutën e 60-të, mesfushori i kurbinasve, Regi Lushkja, merr një goditje të fortë në fytyrë pas topit të gjuajtur nga Musta.

Ky moment i shtang të gjithë në fushë, teksa arbitri u kërkon stafeve mjekësore të të dyja skuadrave të vijnë me shpejtësi. Pas një minute, gjendja e lojtarit u përmirësua, por sërish nuk mundi të vazhdojë lojën, duke ia lënë vendin Kallakut.